As compas de Tortuga veñen de colgar na súa web unha pequena guía cos pasos para facer a Obxección Fiscal aos Gastos Militares co programa PADRE.

Neste enlace > grupotortuga.com/Como-se-hace-la-Objecion-Fiscal-al están todos os pasos precisos: obter o borrador da declaración, descargar e instalar o programa PADRE e facer a declaración engadindo a nosa obxección.

Animádevos a facer Obxección Fiscal aos Gastos Militares!

Achegamos o folleto que elaboramos para a campaña pola Obxección Fiscal aos Gastos MIlitares 2014.

Nel atoparedes información sobre o gasto militar no Estado Español, os destinos que propoñemos, datos sobre a presenza do exército e a industria armamentística, tipos de obxección ao militar, insubmisión... e información sobre nós.

O folleto o podedes descargar neste enlace: http://nonaogastomilitar.org/sites/nonaogastomilitar.org/files/fleto_2014.pdf

Deixamos esta convocatoria:

A Cordenadora Local de Vigo da Marcha Mundial das Mulleres organiza unha acción na Praza dx migrante (Travesas), para conmemorar a data na que as mulleres visibilizamos o significado das palabras militarización – guerra – explotación dos territorios e paz, dende a perspectiva de xénero.

Música, leitura de textos e poesías a partir das 18:00. ESPERÁMOSTE!

Na barbarie de calquera guerra, as mulleres, consideradas individual e socialmente, experimentan unha maior perda no desenvolvemento dos seus dereitos humanos. As mulleres,vítimas da violencia da guerra, sofren torturas, asasinatos, masacres, detencións, igual que os homes, pero ademais son vítimas dunha específica violencia de xénero engadida.

etiquetas: 

As Forzas Armadas Españolas están despregadas a día de hoxe, segundo a información pública, nos seguintes lugares: Afganistán (operación “Libertad Duradera” da OTAN), Bosnia (EUFOR, da Unión Europea), Líbano (FINUL, de Nacións Unidas), República Centroafricana, Yibuti (misión da OTAN contra a pirataría) Mali e Somalia. Recentemente participaron tamén na guerra civil de Libia, apoiando o derrocamento de Gadafi.

Estas intervencións exteriores adoitan aparecer sempre nos orzamentos do estado cunhas partidas moi inferiores ás reais (por exemplo, no ano 2011: 14 millóns presupostados; 861 millóns gastados realmente).

Porén, existe tamén un “despregue interior” consistente na ocupación de espazos civís por parte do exército. Un bo exemplo disto é a UME (Unidad Militar de Emergencia), pero tamén a ameaza de intervención do exército en conflictos como foi a folga da recollida de lixo en Madrid, hai ben pouco.

En maio de 2012 había no estado español 562 empresas inscritas no rexistro da Dirección General de Armamento y Material e unhas 29.000 persoas traballaban na industria de guerra no estado. A maioría, con diferencia, nos sectores aeroespacial e naval que, de feito, son os de maior facturación.

Porén, tanto a facturación como o emprego con céntranse en catro grandes empresas (datos do 2009): Indra (electrónica), EADS-Casa (aerespacial), Navantia (naval) e General Dynamics/Santa Bárbara (veículos blindados e armas lixeiras). Todas elas situadas no ranking das 100 primeiras empresas con maior produción militar mundial e as dúas últimas con presenza en Galiza, ao igual que URO (vehículos especiais) ou Ezentis (tecnoloxía).

Como cada ano, dende o Espazo Aberto Antimilitar (EAA) propoñemos algún colectivo ou campaña como destino da obxección fiscal:

O 20 de febreiro de 1989 presentáronse colectivamente ante as autoridades militares 57 insubmisos ao servizo militar obrigatorio (SM) no estado español, dous deles en Galiza.

Anos antes, a comezos de 1976, o galego Miguel Escariz, catro meses antes de rematar o servizo militar, declarárase obxector, sendo encarcerado durante un ano.

Eran os primeiros pasos da andaina da obxección de conciencia ao SM por motivos non relixiosos, comezada no estado por Pepe Beunza no 1971, e que se foi organizando no MOC  (movemento de obxección de conciencia).

Este ano non se poderán mercar os impresos para a declaración da renda nos estancos, así que temos que variar o modo de facer Obxección Fiscal ao Gasto Militar, aínda que basicamente segue sendo a mesma.

Como xa vén sendo habitual, o primeiro paso é non confirmar o borrador. Se o fixésemos, poderiamos pedir unha corrección posterior, pero xa estariamos a complicar o noso traballo.

A continuación faremos a declaración co programa PADRE, indicando a cantidade de diñeiro que queremos desviar para a nosa obxección nalgunha das casas de "Retencións e demais pagamentos a conta". Este ano son as comprendidas entre a casa 512 e a 522. O propio programa encárgase de facer os cálculos co dato que incluímos.

Páxinas