obxección fiscal


O pasado martes 26 de xuño a xente da asociación contra a exclusión Alambique realizou unha accións na delegación de facenda baixo o lema: "Recortar sí, lo militar", para denunciar o gasto militar e promover a Obxección Fiscal ao Gasto militar. A acción estaba dentro da campaña "Contra sus recortes, nuestras alternativas".

Este foi o texto entregado á Axencia Tributaria en dita acción:

¿RECORTAR? ¡SI! LO MILITAR

Sr./Sra. Director/a de la Agencia Estatal Tributaria

Las personas que hoy nos concentramos delante de esta oficina queremos visibilizar de forma colectiva nuestra Objeción Fiscal al Gasto Militar. Esta acción de denuncia forma parte de la campaña "Contra sus recortes, nuestras alternativas", que lleva adelante la asociación contra la exclusión Alambique. Paralelamente a la campaña del IRPF, hemos estado proponiendo la objeción fiscal como una alternativa útil y concreta frente a las políticas que están llevando al empobrecimiento progresivo de la mayoría de la población.

Co mes de xuño rematan os actos da campaña 2012 pola Obxección Fiscal aos Gastos Militares que o Espazo Aberto Antimilitar en Galiza, e moitos grupos no Estado, vimos desenvolvendo. Aínda tedes tempo para facer a declaración da renda e con ela a OF, de facela por favor achegádenos os datos que estamos a recoller xunto a outros grupos a nivel estatal.

Para rematares convidamos a participar nun acto de peche de campaña que imos facer o sábado 30 de xuño a partires das 19h00 diante do Mercado do Calvario.

No acto haberá paneis informativos sobre: gasto militar - banca armada - sahara - venta armas e recrearemos un campo minado un pouco especial...

Agardamos a vosa participación!

Para todas aquelas persoas ás que pensar en ter que facer a declaración da renda lles da suores fríos.

Unha xente de Catalunya elaborou este video titorial con todos os pasos necesarios para facer obxección fiscal aos gastos militares.

A xente do grupo antimilitarista Tortuga publicou este manifesto:

As xentes do grupo Grupo Antimilitarista Tortuga achegan toda a información que recolleron en internet sobre as distintas campañas de Obxección Fiscal aos Gastos Militares que se fan en distintas partes do territorio do Estado Español.

O pasado venres 13 de abril o Espazo Aberto Antimilitar presentaba a campaña galega pola Obxección Fiscal aos Gastos Militares, cunha charla sobre a industria militar. Na presentación acompañounos Jordi Calvo, investigador do Centro Delás e autor do último informe sobre banca.

Comezamos o acto cunha breve presentación da campaña, que como sabedes consiste en á hora de facer a declaración da renda (non confirmedes o borrador) desviar unha porcentaxe de cartos en protesta polos gastos militares. Este ano os destinos que propoñemos son a Asemblea pola defensa do barrio do Cura e a campaña contra os Centros de menores.

Logo da presentación Jordi foi desvelando o papel da industria militar, resaltando que se trata dunha industria parasitaria a cal non deixa de reclamar cartos para o seu funcionamento.

Nuns días colgaremos o audio da charla.

No ano 2011, o gasto militar do Estado español ascendeu a 47 millóns de euros… cada día. Case dous millóns de euros á hora, nun país no que a única música que se escoita é a do recorte: recortes en educación, en sanidade, en dereitos, en medios de subsistencia; en vida. Ademais, o Goberno recoñece unha débeda por gastos militares de, polo menos, trinta e seis mil millóns de euros. Xa nos podemos facer unha idea de como se vai pagar.

Esta política de investimento militar non semella que vaia ser modificada polo “novo” Executivo. O actual Ministro de Defensa, Pedro Morenés, foi xa Secretario de Defensa na época do goberno Aznar, momento no que podemos atopar a orixe da débeda antes apuntada e que foi incrementada de xeito entusiasta polos gobernos de Zapatero. Morenés, ademais, é un dos claros exemplos de relación entre gobernos e industria militar, tendo ocupado nos últimos anos o posto de Director Xeral no estado español de MBDA, considerada a segunda empresa máis importante a nivel mundial no deseño, fabricación e venda de mísiles.

No Espazo Aberto Antimilitar estamos a preparar a campaña 2012 pola Obxección Fiscal aos Gastos Militares.Este ano faremos especial fincapé na industria militar, a presentación da campaña a faremos o vindeiro venres 13 cunha charla a cargo de Jordi Calvo (Centro Delás) sobre estes temas.

O que si adiantamos son os destinos que propoñemos este ano para desviar os cartos das vosas declaracións:

- “Asemblea pola defensa do Barrio do Cura”: espazo de confluencia de diferentes persoas que decidiron plantar cara á especulación urbanística que ameaza este pequeno reduto do Casco Vello de Vigo, recuperando a capacidade de intervención das veciñas e veciños na xestión do territorio que habitamos.

Páxinas