obxección fiscal

A CXT-Vigo convoca un ciclo de charlas, dentro das actividades preliminares ao 1º de Maio en Vigo. A este ciclo foi convidado o Espazo Aberto Antimilitar que vai participar na charla:

- "Antimilitarismo pasado e presente e Obxección Fiscal” a cargo de Manolo Pipas e de Carlos, compañeiro do Espazo.

Será o xoves 28 de abril ás 20h30 no local da CXT (Urzáiz 73 entrechán dereita)

Máis información sobre o ciclo de charlas no enlace: www.cgtgalicia.org/2011/04/1%C2%BA-de-maio-en-vigo/#more-2161

Un ano máis, dende o Espazo Aberto Antimilitar continuamos cuestionando a existencia do exercito como institución. Tentando manter o debate sobre a súa utilidade e conveniencia, os seus fins e a súa realidade, e denunciando a crecente militarización da sociedade, así como o desproporcionado gasto humano e económico que supón o seu mantemento.

Nun contexto como o actual, de recortes tanto de dereitos, coma de inversións en certos ámbitos (eliminación de subsidios, redución de pensións, perda de poder adquisitivo, etc.) o estado español gastará no ano 2011 uns 2.006 millóns de euros só en armamento; o equivalente a manter 421.910 pensións mínimas todo un ano. Pero en total, os orzamento militares para o ano 2011 no estado español ascenden a 17.244 millóns de euros. Unha  inversión un 5% menor á do ano 2010, pero que ven a representar o 4.8% do orzamento total do estado. Un dato que, ademais, debemos confrontar co descenso noutros ministerios, onde se chega a un 15,6% de recortes. E sen esquecer que, un ano tras outro, no sector militar as inversións finais superan dun xeito significativo o orzamentado.

Dende o pasado luns de 4 abril podense confirmar os borradores da declaración da renda 2010. Dende o Espazo Aberto Antimilitar animamos a que outro ano máis fagades Obxección Fiscal aos Gastos Militares nas vosas declaracións, por iso pedimos que non confirmedes o borrador, xa que de facelo perderedes a opción de facer este acto de desobediencia civil en contra do militarismo. Para facer OF hai que facer a declaración manualmente ou co programa PADRE, polo momento non sabemos facela nas que se presenta por vía telematica.

Para resolver as dúbidas que teñades sobre a OF (como facela, que é, etc.) dende o Espazo Aberto Antimilitar ofrecemos asesoramento todos os mércores do mes de maio dende as 20h30 ata máis ou menos as 21h00 na Cova dos Ratos. Senón podedes achegarvos ese día ou preferides usar internet enviade un mail: info@nonaogastomilitar.org

Na páxina de Insumissia están colgados os datos recollidos da campaña pola OF feita no Estado Español no 2010.

TOTAL OBJECIONES EN EL ESTADO: 609 objeciones – 59.111’02 € Datos campaña anterior (2009): 820 objeciones –80.655´71 €

Achegamos este vídeo que explica con moita claridade as razóns de porqué facer Obxección Fiscal aos Gastos Militares:

Como vén sendo habitual nos últimos anos o Espazo participou no 1º de Maio vigués, e este ano ademais dun xeito máis activo ao levar unha faixa co lema: "Fóra as tropas de Afganistán e de todos lados" na manifestación convocada pola CXT/CUT.

Na farola que da entrada a Príncipe montamos tamén o posto con información da campaña pola Obxección Fiscal aos Gastos Militares 2010, no que se podían ler nun cohete os gastos militares do Estado Español para este ano.Aproveitamos para repartir entre as tres manifestacións máis de mil trípticos coa información necesaria para facer OFGM.

Dende o Espazo Aberto Antimilitar propoñemos dentro da campaña pola Obxección Fiscal aos Gastos Militares 2010 varios destinos aos cales podedes enviar os cartos que desviedes nas declaracións:

O Espazo Aberto Antimilitar lanza outro ano máis a campaña pola Obxección Fiscal aos Gastos Militares (OFGM) baixo o lema: "Os teus impostos matan, ti podes desarmalos". Como cada ano vos propoñemos destinos alternativos aos que enviar os cartos, este ano ademais do propio Espazo son: A Ría Non Se Vende e a Asociación Revolucionaria de Mulleres de Afganistán (RAWA).

"Os teus impostos matan, ti podes desarmalos".

Coa que está caendo (crise económica e os conseguintes recortes sociais), o Goberno vai empregar (como mínimo) a cantidade de 18.160,89 millóns de euros en gasto militar. Cantidade que, obviamente, aportamos todas vía impostos; cantidade que NON será dedicada a pensións, ensino, sanidade ou subsidios, por poñer algúns exemplos.

Esta inversión continuada, descomunal e disparatada en investigación militar, armamento e en manter un exército cada vez máis expedicionario, non contribúe en absoluto a mellorar a seguridade de ninguén. Antes ben, supón un risco para a existencia da vida, e do mesmo planeta.

Programas coma o HAARP* estadounidense, consistente na manipulación da propia atmosfera para poñela ao servizo da eficiencia militar, poñen en evidencia que este risco non é unha hipótese posíbel nun futuro lonxano, senón que é unha realidade plenamente actual.